Bayram günlərində Abşeron dairəvi dəmiryol marşrutu üzrə qatarların qrafiki optimallaşdırılır

“Azərbaycan Dəmir Yolları” QSC (ADY) sərnişin sıxlığının qismən tənzimlənməsi məqsədilə 1 aprel 2025-ci il tarixindən Abşeron dairəvi dəmiryol marşrutu üzrə qatarların qrafikini optimallaşdırır.

Operativ Media xəbər verir ki, bu barədə ADY-nin sərnişindaşıma departamentinin rəhbəri Azər Fərəcov jurnalistlərə açıqlamasında deyib.

"Belə ki, Abşeron dairəvi dəmiryol marşrutu üzrə həftənin iş, şənbə və bazar günləri ümumilikdə 61 reys əlavə olunur", - deyə o qeyd edib.