Britaniya Kralı III Çarlz ictimai vəzifələrinə qayıdıb

Britaniya Kralı III Çarlz, xərçəng müalicəsi zamanı yaranan yan təsirlərə görə qısa müddətli xəstəxana müşahidəsindən sonra ictimai fəaliyyətinə davam edir.

Operativ Media xəbər verir ki, 76 yaşlı monarx həftəsonunu evində dincələrək keçirib və bu həftə rəsmi öhdəliklərini icra etməyə başlayıb.

Bukinqem sarayının sözçüsü bildirib ki, bu cür yan təsirlər xərçəng müalicəsi alan xəstələr üçün qeyri-adi deyil və kralın ümumi müalicə prosesi müsbət istiqamətdə davam edir.