Rəcəb Tayyib Ərdoğanın oğlu prezident olmaq istəmədiyini etiraf edib

Türkiyə prezidenti Rəcəb Tayyib Ərdoğanın oğlu, Dünya Etno-idman Konfederasiyasının rəhbəri Bilal Ərdoğan prezident olmaq istəmədiyini, iş vaxtının çox hissəsini təhsil və mədəniyyət layihələrinə həsr etdiyini etiraf edib.

Operativ Media xəbər verir ki, o, bu barədə TASS agentliyinə açıqlamasında deyib.

Məsələ ilə bağlı sualı cavablandıran Bilal Ərdoğan “Heç bir siyasi ambisiyam yoxdur. Məndən bu barədə tez-tez soruşurlar, amma istərdim ki, qeyri-hökumət sektorunda qalım, vətəndaş cəmiyyəti ilə işləmək, gəncləri onlara həqiqətən yaxın olan işlərə görə məsuliyyət daşımağa ruhlandırmaq istəyirəm. Hansı peşəni seçməsindən asılı olmayaraq, əgər onlarda sosial məsələyə mənsubluq hissi güclüdürsə, fəal, dəyərlərin müdafiəçisi olmalı, vətəndaş cəmiyyətinin bir hissəsi olmalıdır",- deyə bildirib.