İsrailin son sutkada Qəzzaya endirdiyi zərbələr nəticəsində 12 nəfər ölüb

Çərşənbə günü İsrailin Fələstin anklavının müxtəlif ərazilərinə endirdiyi zərbələr nəticəsində Qəzza zolağında azı 12 nəfər həlak olub.

Operativ Media xəbər verir ki, bu barədə Qətərin “Əl-Cəzirə” telekanalı məlumat yayıb .

Onun sözlərinə görə, İsrail artilleriyası Qəzza şəhərinin Əz-Zeytun, Et-Tuffa və Eş-Şücayyə ərazilərini intensiv atəşə tutur. Anklavdakı mülki müdafiə qüvvələri insanların yerləşə biləcəyi dağıdılmış evlərə çata bilmədiklərini söyləyib. Ordu həmçinin Zolağın cənub hissəsindəki Rəfah şəhərinə zərbələr endirməkdə davam edir.

"Əl-Cəzirə" qeyd edir ki, çərşənbə axşamı anklavda azı 32 nəfər həlak olub.