Zirənin bəzi ərazilərində işıq olmayacaq

Bu gün Bakının Xəzər rayonunun Zirə kəndinin bəzi ərazilərində elektrik enerjisinin verilişində fasilə yaranacaq.

Bu barədə  Operativ Media-ya "Azərişıq” ASC-dən məlumat verilib.

Bildirilib ki, Zirə Enerji Təchizatı və Satışı İdarəsinin (ETSİ) ərazisində 35 kV-luq hava xəttində avqustun 7-də təmir-bərpa işləri aparılacaq. Bununla əlaqədar olaraq saat 10:00-dan saat 12:00-dək Zirə kəndinin bəzi ərazilərində elektrik enerjisinin verilişində məhdudiyyət yaranacaq.

İşlər yekunlaşdıqdan sonra həmin ərazi daha keyfiyyətli elektrik enerjisi ilə təmin olunacaq.