Xırdalanda marketdən oğurluq edən şəxslər saxlanılıb

Abşeron rayonunda talama cinayəti qeydə alınıb. Naməlum şəxslər Xırdalan şəhərində yerləşən marketlərin birindən 544 manat oğurlayıblar.

Bu barədə Operativ Media-ya DİN-dən məlumat verilib.

Polis əməkdaşlarının keçirdikləri əməliyyat-axtarış tədbiri ilə əməli törətməkdə şübhəli bilinən 40 yaşlı İ.Qədirov və 42 yaşlı E.Axundov müəyyən olunaraq saxlanılıblar.

Faktla bağlı araşdırma aparılır.