Abşeronda evlərdən pul və zinət əşyaları oğurlayan şəxs tutulub

Abşeron rayonunda talama cinayətləri qeydə alınıb. Naməlum şəxs müxtəlif vaxtlarda iki evdən 3060 manat pul və qızıl-zinət əşyalarını oğurlayıb. 

Operativ Media xəbər verir ki, bu barədə DİN-nin mətbuat xidməti məlumat yayıb.

Abşeron Rayon Polis İdarəsinin əməkdaşları tərəfindən keçirilən tədbirlə cinayəti törətməkdə şübhəli bilinən, əvvəllər eyni əmələ görə məhkum olunmuş 34 yaşlı T.Ağasıyev saxlanılıb. 

Nəsimi RPİ-nin 19-cu Polis Şöbəsinin əməkdaşları tərəfindən keçirilən tədbir zamanı isə paytaxt sakininə məxsus mopedi oğurlamaqda şübhəli bilinən 46 yaşlı X.Hidayətov tutulub. 

Faktlarla bağlı araşdırmalar aparılır.