Ağ Ev: Tramp növbəti Ukrayna görüşləri üçün daha bir ay gözləmək istəmir

ABŞ prezidenti Donald Tramp Ukrayna böhranının sülh yolu ilə həllinə dair yeni görüşün keçirilməsi üçün bir ay gözləməkdə maraqlı deyil və münaqişənin tez bir zamanda başa çatmasını istəyir.

Operativ Media xəbər verir ki, bu barədə Ağ Evin mətbuat katibi Karolin Levitt brifinqdə bildirib.

“O bu müharibənin bitdiyini görmək istəyir və növbəti görüşə qədər daha bir ay gözləmək fikri ilə razılaşmır. Prezident dinc nizamlanma istiqamətində irəliləyişin əldə olunmasını və müharibəyə mümkün qədər tez son qoyulmasını arzulayır”, – Levitt vurğulayıb.