Ermənistan ilə Azərbaycan arasındakı normallaşma prosesinin hazırda Ermənistan-Türkiyə münasibətlərinin bərpası dinamikasını qabaqladığı bildirilir.

​Operativ Media xəbər verir ki, bu barədə Ruben Rubinyan bəyan edib. O diqqətə çatdırıb ki, Bakı və İrəvan arasında davam edən təmaslar çərçivəsində Azərbaycan tərəfi Ermənistandan dəmir yolu tranzitinə qoyulan məhdudiyyətləri Türkiyədən daha əvvəl aradan qaldırıb, sonradan Türkiyə də analoji addımı atıb.

​Rubinyanın sözlərinə görə, hazırda Ermənistan və Azərbaycan arasında birbaşa ticarət əlaqələri mövcuddur və bura xüsusilə neft məhsullarının dövriyyəsi daxildir. O əlavə edib ki, Ankara iki tərəfli münasibətlərin normallaşdırılması istiqamətində daha fəal addımlar atmalıdır.