Ermənistan Prezidenti Vaaqn Xaçaturyan ölkə hökumətinin istefası ilə bağlı müvafiq fərman imzalayıb.

Operativ Media xəbər verir ki, bu barədə dövlət başçısının rəsmi saytında məlumat verilib. Sənəddə Ölkə Konstitusiyasının 130-cu maddəsinə əsaslanaraq nazirlər kabinetinin istefasının qəbul edildiyi bildirilib.

​Buna qədər Baş nazir Nikol Paşinyan prezidentə ünvanlanan istefa ərizəsini imzalayaraq dövlət başçısının administrasiyasına göndərmişdi. Paşinyan Konstitusiyaya uyğun olaraq yeni seçilmiş parlamentin ilk iclasının keçirildiyi gün hökumətin istefa verdiyini açıqlamışdı.

​Qeyd edək ki, avqustun 2-də Ermənistanda yeni seçilmiş parlamentin ilk sessiyası işə başlayıb.