15 Oktyabr 2022, 19:43
Avropa kömür ticarətində Rusiyanı əvəzləyir
Avropa İttifaqı Rusiya kömürü əvəzinə Cənubi Afrika Respublikası (CAR) və Kolumbiyadan daha baha qiymətə kömür alır.
“Operativ Media" nın xəbərinə görə, “Eurostat”ın məlumatları bunu təsdiqləyir.
Bu ilin avqust ayında Avropa ölkələri Rusiyadan 374 milyon dollar dəyərində kömür alıb. Bu, iyul ayı ilə müqayisədə iki dəfə azdır. Bunun müqabilində CAR Avropaya kömür ixracını 3,4 dəfə, Kolumbiya 2 dəfə artırıb. Avqust ayında Avropa ölkələri CAR-dan 1,6 mln. ton, Kolumbiyadan 1,4 mln. ton kömür alıblar.
Rusiya kömüründən imtina Avropa ölkələri üçün il ərzində 8,5 mlrd. dollar əlavə xərcə gətirib çıxarır.