Çində “Çampi” tayfunu səbəbindən 60 mindən çox insan təxliyə edilib

Çinin şərq sahillərində təsirli olan “Çampi” tayfunu səbəbindən Şanxayda 60 mindən çox insan təhlükəsiz ərazilərə köçürülüb.

Operativ Media xəbər verir ki, bu barədə “CCTV” məlumat yayıb.

Məlumata görə, tayfun səbəbindən Tszyansu, Çjetszyan və Futszyan əyalətlərində də qatar səfərləri və uçuşlar təxirə salınıb.

Tayfunun Çinin şərq sahillərində təsirini davam etdirəcəyi gözlənilir. Fırtına daha əvvəl Tayvanda 1 nəfərin ölümünə, 527 nəfərin yaralanmasına səbəb olub.