Nərimanov rayonunda oğurluq edən şəxs saxlanılıb

Paytaxtın Nərimanov rayonunda evlərin birindən oğurluq olub. Zərərçəkən şəxs polisə müraciət edərək evindən 2000 avro, 100 dollar və 2700 qriven (113 manat) və 500 manat dəyərində qızıl-zinət əşyasının talanmasını bildirib.

Operativ Media-ya bu barədə DİN-dən məlumat verilib.

Nərimanov RPİ 16-cı Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 45 yaşlı Qəbələ rayon sakini Y.Qrestsenyuk müəyyən olunaraq saxlanılıb. Araşdırma aparılır.