Naxçıvanda evdən qızıl-zinət əşyaları oğurlayan şəxs saxlanılıb

Naxçıvan şəhərində yerləşən fərdi yaşayış evlərinin birindən 6330 manat dəyərində qızıl-zinət əşyalarının oğurlanması barədə polisə məlumat daxil olub.

Operativ Media-ya bu barədə DİN-dən məlumat verilib.

Naxçıvan Şəhər Polis İdarəsinin əməkdaşları tərəfindən keçirilən əməliyyat-axtarış tədbirləri nəticəsində oğurluq əməlini törətməkdə şübhəli bilinən,  əvvəllər də məhkum olunmuş, 28 yaşlı Tale Budaqov müəyyən edilərək saxlanılıb.
 

Faktlarla bağlı  cinayət işi başlanılıb,  araşdırmalar davam etdirilir.