Oktyabrın 7-də Alman-Azərbaycan Xarici Ticarət Palatası (AHK Azerbaijan) Almaniyanın müxtəlif sahələrini təmsil edən 40-dan çox şirkətin və 200-dən artıq iştirakçının qatıldığı ilk Alman-Azərbaycan İxracın Maliyyələşdirməsi Konfransında “Gilan Pivot” olaraq iştirak edib.

Operativ Media xəbər verir ki, konfransın məqsədi Almaniya və Azərbaycan arasında ixracın maliyyələşdirməsi, innovasiya və dayanıqlı investisiyalar sahəsində ikitərəfli əməkdaşlığı gücləndirmək olub.

Enerji və “yaşıl” texnologiyalar, su idarəçiliyi, kənd təsərrüfatı və rəqəmsallaşma kimi istiqamətlərə fokuslanmaqla, tədbir hər iki ölkə arasında uzunmüddətli və dayanıqlı əməkdaşlığı dəstəkləyən strateji tərəfdaşlıqların və innovativ maliyyələşdirmə həllərinin inkişafına töhfə verməyi hədəfləyib.