Qızılın qiyməti ABŞ-də faiz dərəcələrinin daha da endiriləcəyi ilə bağlı gözləntilərin artması və təhlükəsiz liman aktivlərinə güclü tələbin təsiri ilə rekord səviyyəyə yüksəlib.

Operativ Media birja məlumatlarına istinadən xəbər verir ki, gümüş də bu artım dalğasına qoşularaq bütün zamanların ən yüksək həddinə çatıb.

Nyu-Yorkun COMEX əmtəə birjasında qızılın bir troya unsiyası üzrə fyuçerslərinin dəyəri 1.01% artaraq 4431 ABŞ dollarına bərabər olub.

COMEX-də gümüşün bir unsiyası üzrə fyuçerslərinin qiyməti isə 2.88% artaraq 69.43 ABŞ dolları təşkil edib.