UEFA "Atletik" klubunu cərimələdi

UEFA “Qarabağ”ın şikayəti əsasında İspaniyanın “Atletik” klubunu cəzalandırıb.

Operativ Media xəbər verir ki, buna səbəb Çempionlar Liqasının liqa mərhələsinin 3-cü turunda “Qarabağ”la keçirilən və Bilbao təmsilçisinin 3:1 hesablı qələbəsi ilə yekunlaşan oyunda azarkeşlərin davranışı olub.

Beləliklə, “Atletik”in fanatlarının matç zamanı yol verdiyi pozuntulara görə klub 10 min avro (təqribən 20 min manat) məbləğində cərimələnib.