Dünya Karate Federasiyası Rafael Ağayev haqda paylaşım edib

Dünya Karate Federasiyası azərbaycanlı idmançı Rafael Ağayev haqda paylaşım edib.

Operativ Media xəbər verir ki, qurumun "instagram" hesabında məşhur karateçi haqda 8 məlumat dərc edilib.

"Rafael Ağayev haqqında bilməli olduğunuz 8 məlumat:

1) O, 4 mart 1985-ci ildə Azərbaycan Respublikasının Sumqayıt şəhərində anadan olub.

2) Şotokan üslubunda karate ilə məşğul olur.

3) WKF versiyası üzrə 5 qat dünya çempionudur və fərdi dünya çempionatlarının sayına görə karate tarixində ən çox titul qazanan idmançıdır.

4) “Şərqin Panteri” ləqəbi ilə tanınır.

5) 11 dəfə Avropa çempionatının qalibi olub.

6) İdman fəaliyyətinə 7 yaşında başlayıb. Atası futbolçu olub, qardaşları isə döyüş sənətləri ilə məşğul olublar və bu, onda idmana dərin sevgi formalaşdırıb.

7) Anası onun intizamının və həyat dəyərlərinin formalaşmasında mühüm rol oynayıb.

8) Rafael Ağayev Tokio-2020 Yay Olimpiya Oyunlarında iştirak edərək kişilər arasında kumite üzrə −75 kq çəki dərəcəsində gümüş medal qazanıb", - deyə paylaşımda qeyd edilib.