"Barselona"nın baş məşqçisi Hans-Diter Flik  "Mançester Yunayted" dən icarəyə götürdüyü ingilis hücumçu Markus Reşfordun transferinə razılıq verib.

Operativ Media "Don Balon"a istinadən xəbər verir ki,  Flik hücumu gücləndirmək üçün Reşfordu prioritet hesab edir. Alman məşqçi ingilisin çox yönlülüyünə, oyuna təsirinə və əsas matçlardakı davamlılığına inanır. Hücumçu məşqçinin taktiki modelinə mükəmməl uyğunlaşır və bir neçə hücum mövqeyini əhatə edə bilir.

"Barselona" ingilis hücumçu üçün qarşı tərəfə 30-35 milyon avro ödəməyə hazırdır.

Reşford ötən yay "Mançester Yunayted"dən "Barselona"ya mövsümlük icarəyə verilib. Bu mövsüm ingilis futbolçu artıq 24 oyunda meydana çıxıb, yeddi qol vurub və 11 məhsuldar ötürmə edib və tezliklə Kataloniya hücum xəttinin əsas oyunçusuna çevrilib.