"Roma" 2025-ci ildə Serie A-da ən çox qələbə qazanan komanda olub

2025-ci il təqvim ilində Serie A-da ən çox qələbə qazanan komanda “Roma” olub – 26 oyun.

Operativ Media xəbər verir ki, bu barədə “Opta” məlumat yayıb.

Mənbənin bildirdiyinə görə, bu, “Roma”nın yüksək divizionda bir təqvim ilində 25-dən çox qələbə qazandığı dördüncü belə haldır. Əvvəlki 26 qələbə 2006 və 2016-cı illərdə, 28 qələbə isə 2017-ci ildə qeydə alınmışdı.

2025-ci ildə romalılar 82 xal toplamışdı. “İnter” 77, “Napoli” isə 75 xal qazanmışdı.

2025/26 mövsümündə “Roma” İtaliya çempionatının turnir cədvəlində 17 oyundan sonra 33 xalla dördüncü yerdə qərarlaşıb. “İnter” isə 36 xalla liderdir.