"Qalatasaray"ın futbolçusu Super Liqa klubuna keçir

"Qalatasaray"ın futbolçusu Berkan Kutlu Türkiyə Super Liqasında klubunu dəyişməyə yaxındır.

Operativ Media xəbər verir ki, bu barədə yerli mətbuat məlumat yayıb.

27 yaşlı yarımmüdafiəçi "Konyaspor"la razılığa gəlib. Rəsmi açıqlamanın yaxın günlərdə verilməsi gözlənilir.

Qeyd edək ki, Berkan Kutlu bu mövsüm "Qalatasaray"ın heyətində çıxdığı 9 rəsmi oyunda 1 məhsuldar ötürmə ilə yadda qalıb.