UEFA Millətlər Liqası: Azərbaycan millisinin rəqibləri müəyyənləşəcək

Bu gün UEFA Millətlər Liqasının 2026/2027 mövsümünün püşkatma mərasimi keçiriləcək.

Operativ Media xəbər verir ki, tədbir Belçikanın paytaxtı Brüsseldə baş tutacaq. Püşk Bakı vaxtı ilə saat 21:00-da atılacaq.

Azərbaycan millisi yeni mövsümdə D Liqasında mübarizə aparacaq. Millimiz 1-ci səbətdə yer alıb. Yığmamızın mümkün rəqibləri Lixtenşteyn və Andorra komandalarıdır. Digər mümkün rəqiblərin adlarına martda keçiriləcək pley-off oyunlarından sonra aydınlıq gələcək.

Liqa mərhələsinin oyunları 2026-cı ilin sentyabr–noyabr aylarında keçiriləcək.