Pakistanda ağır yol qəzası baş verib, 12 nəfər ölüb

Pakistanın Bəlucistan əyalətində sərnişin avtobusu ilə mikroavtobusun toqquşması nəticəsində azı 12 nəfər həlak olub, 20-dən çox insan yaralanıb.

Operativ Media xəbər verir ki, bu barədə Pakistan mediası məlumat yayıb.

Məlumata görə, qəza Qvadar rayonundan Karaçiyə gedən avtobusun mikroavtobusla toqquşması nəticəsində baş verib.

Yaralılardan yeddisinin vəziyyətinin kritik olduğu bildirilir. Qəzanın səbəbləri araşdırılır.