"Barselona" 37 il sonra "Atletiko"ya darmadağınla məğlub oldu

"Barselona" İspaniya Kubokunun yarımfinal mərhələsinin ilk oyununda "Atletiko"ya qarşı darmadağınla üzləşib.

Operativ Media xəbər verir ki, görüş Madriddə, "Metropolitano" stadionunda baş tutub və 4:0 hesabı ilə Someonenin yetirmələrinin xeyrinə başa çatıb.

1989-cu ildən bəri ilk dəfə olaraq "Barselona" "Atletiko"ya dörd qolla məğlub olub. Onların yeganə ən pis məğlubiyyəti 1941-ci ildə 6-0 hesabı ilə məğlub olduqları oyun olub.

Komandalar Kral Kubokunun cavab oyununu 3 martda Barselonada keçirəcəklər. Oyun Bakı vaxtı ilə saat 00:00-da başlayacaq. "Barselona" 2024/25 mövsümünün qalibi olub.