FİFA "Atletik Bilbao"ya transfer qadağası qoydu
FİFA "Atletik Bilbao" klubunu yeni oyunçuların qeydiyyatından imtina edilən klublar siyahısına daxil edib.
Operativ Media xəbər verir ki, bu haqda qurumun mətbuat xidməti məlumat yayıb.
Sanksiya ardıcıl üç transfer pəncərəsi üçün tətbiq olunacaq: 2026-cı ilin yayı, 2027-ci ilin qışı və 2027-ci ilin yayı. Basklar qeydiyyatlarını 2028-ci ilin yanvar ayına qədər yeniləyə bilməyəcəklər.
FİFA hələlik cəzanın səbəblərini rəsmi olaraq izah etməyib və yalnız bu cür tədbirlərin "maliyyə mübahisələri və ya tənzimləmə pozuntuları" üçün tətbiq olunduğunu bildirib.
"Atletik Bilbao" 23 oyundan sonra 28 xalla La Liqada onuncu yerdədir və lider "Barselona"dan 30 xal geridədir. Komanda fevralın 15-də Ovyedoya səfər edəcək. Kral Kubokunun yarımfinal oyunu da yaxınlaşır və burada "Basklar" ilk oyundan sonra "Real Sosyedad"a uduzur (0-1).
