"Barselona" üçün antirekord – Erik Qarsiya 21 ildən sonra ilkə imza atdı

Müdafiəçi Erik Qarsiya ən azı 2004/05 mövsümündən bəri eyni oyunda həm öz qapısına qol vuran, həm də meydandan qovulan ilk "Barselona" futbolçusu olub.

Operativ Media bu barədə "Opta"ya istinadən xəbər verir.

25 yaşlı ispaniyalı İspaniya Kubokunun yarımfinal mərhələsində "Atletiko Madrid"ə qarşı səfər qarşılaşmasının (0:4) 6-cı dəqiqəsində avtoqol müəllifi olub, 85-ci dəqiqədə isə birbaşa qırmızı vərəqə alaraq meydandan kənarlaşdırılıb.

Qarsiya 2021-ci ilin iyul ayından etibarən "Barselona"nın formasını geyinir. 2025/26 mövsümündə o, 37 oyunda iştirak edib, 1 qol və 1 məhsuldar ötürmə ilə yadda qalıb. Müdafiəçi cari mövsümdə üç sarı vərəqə alıb və bir dəfə qırmızı vərəqə ilə cəzalandırılıb.