Neymar Braziliya millisinə görə karyerasını bitirə bilər

Braziliyalı futbol ulduzu Neymar qarşıdan gələn dünya çempionatı üçün Braziliya millisinə dəvət almayacağı təqdirdə karyerasını bitirə bilər.

Operativ Media xəbər verir ki, bu barədə "The Touchline" nəşri məlumat yayıb.

Mənbənin sözlərinə görə, Neymarın oynamağa davam etməsi üçün yeganə və əsas motivasiyası mundiala yollanmaqdır. Hazırkı bütün fəaliyyəti - zədələrdən intensiv reabilitasiya, meydanda gündəlik iş - bu məqsədə yönəlib.

Qeyd edək ki, 34 yaşlı Neymar Braziliya millisində 128 oyun keçirib və 79 qolla yığmanın bombardiridir.