Premyer Liqa klubu hücumçusu ilə müqaviləni uzatdı

 "Brentford" hücumçusu İqor Tiaqo ilə yeni müqavilə imzalayıb.

Operativ Media xəbər verir ki, bu haqda klubun mətbuat xidməti məlumat yayıb.

24 yaşlı braziliyalı ilə yeni müqavilə 2031-ci ilə qədər nəzərdə tutulub və müqavilənin daha bir mövsüm uzadılması da mümkündür.

İqor Tiaqo 2024-cü ilin yayında "Brügge"dən "Brentford"a keçib. Bu mövsüm o, bütün turnirlərdə 27 oyun keçirib, 18 qol vurub və 1 məhsuldar ötürmə edib. 17 qolla o, Premyer Liqanın bombardiri yarışında yalnız "Mançester Siti"nin oyunçusu Erlinq Holandan geri qalır. Norveçli 22 qol vurub.