Azərbaycan millisi İspaniya, Kanada və Taylandla oynayacaq

Azərbaycanın qadınlardan ibarət 3x3 basketbol komandası 13-15 mart tarixlərində Taylandın Banqkok şəhərində keçiriləcək FIBA Çempionlar Kubokunda iştirak edəcək.

Operativ Media xəbər verir ki, Azərbaycan millisi İspaniya, Kanada və Tayland komandaları ilə birlikdə B qrupuna düşüb.

Qeyd edək ki, Çempionlar Kubokunun qalibi 2027-ci ildə keçiriləcək Dünya Kubokunda, növbəti Çempionlar Kubokunda (2027), həmçinin 2028-ci il Olimpiadasına vəsiqə verən təsnifat turnirində iştirak etmək hüququ qazanacaq.