Vüsal İsgəndərli qol vurdu, komandası qalib gəldi

Albaniya çempionatında 24-cü tura yekun vurulub.

Operativ Media xəbər verir ki, azərbaycanlı hücumçu Vüsal İsgəndərlinin də formasını geyindiyi "Partizani" "Tirana"nı qonaq edib.

Matç ev sahibi komandanın 2-0 hesablı qələbəsi ilə başa çatıb. Vüsal İsgəndərli oyuna start heyətdə başlayıb və 37-ci dəqiqədə komandasının 2-ci qolunu vurub. 30 yaşlı hücumçu 72-ci dəqiqədə əvəzlənib.

Qeyd edək ki, "Partizani" 33 xalla turnir cədvəlinin 5-ci pilləsində qərarlaşıb.