Türkiyənin "Konyaspor”u ölkələrinin yığmalarına dəvət alan futbolçuların adlarını açıqlayıb.

"Operativ Media" xəbər verir ki, siyahıda Azərbaycan millisinin hücumçusu Mahir Emrelinin də adı var.

Konya təmsilçisinin rəsmi saytında yer alan məlumatda 26 yaşlı forvardın Avstriya və Belçika ilə AVRO-2024-ün seçmə mərhələ oyunlarına çağırıldığı bildirilib.

Görünür, klubun Emrelinin zədələnməsindən xəbəri yoxdur. Əks halda onun Azərbaycan millisinin heyətindən çıxarıldığını və bu gün Konyaya qayıdacağını da qeyd edərdilər.

Xatırladaq ki, Mahir Emreli evdə “Qalatasaray”ı 2:1 hesabı ilə məğlub etdikləri XXVI oyununda zədələnib.