Rusiyanın ballistik raket zərbəsindən sonra Xarkovda yaşayış binasının dağıntılarını təmizləmək üçün işlər görülür. Giriş zalı dağılıb, qonşu binanın yuxarı mərtəbələri isə zədələnib.

Operativ Media xəbər verir ki, bu barədə Ukrayna Prezidenti Volodimir Zelenski "X" sosial şəbəkəsində məlumat yayıb.

Prezidentin sözlərinə görə, Rusiya Ukraynaya qarşı təxminən yarısı ballistik raketlər olan 29 raket və əksəriyyəti "Şahed" olan 480 dron atıb. Onlar Kiyevdəki enerji obyektlərini, Xmelnitski və Çernovtsi bölgələrini və Jitomir bölgəsindəki dəmir yolunu hədəfə alıb. Dnepr, Zaporojye, Vinnitsa, Odessa, Poltava, Sumı və Çerkassı bölgələrində ziyan qeydə alınıb.