Səudiyyə Ərəbistanında yaşayış binasına düşən mərmi iki nəfərin ölümünə səbəb olub

Səudiyyə Ərəbistanında yaşayış binasına mərmi düşməsi nəticəsində iki nəfər ölüb, daha 12 nəfər yaralanıb.

Operativ Media xəbər verir ki, bu barədə Krallığın Mülki Müdafiə Xidməti "X" sosial şəbəkəsində bildirib.

Bəyanata görə, mərmi Ər-Riyadın cənub-şərqində yerləşən Əl-Xərc əyalətində təmir və təmizlik şirkətinə məxsus binaya düşüb.

Ölən və yaralananların Banqladeş, Hindistan vətəndaşları olduğu bildirilir.