İrəvanda MTX-nin binasını yandırmağa çalışan şəxs həbs edilib

İrəvanda Milli Təhlükəsizlik Xidməti binasının qapılarına "Molotov kokteyli"nə bənzər tezalışan əşya atan şəxs saxlanılıb.

Operativ Media xəbər verir ki, bu barədə Ermənistan Baş Prokurorluğu məlumat yayıb.

Bildirilib ki, məhkəmə həmin şəxs barəsində iki aylıq həbs qətimkan tədbiri seçilməsi ilə bağlı vəsatəti təmin edib.

Qeyd edək ki, ötən gün internetdə bir nəfərin Ermənistanın paytaxtı İrəvandakı Milli Təhlükəsizlik Xidmətinin binasına molotov kokteyli atdığını göstərən video yayılıb.