Fransanın paytaxtı Parisdə mülki nüvə enerjisindən istifadənin təşviqinə yönəlmiş ikinci sammit başlayıb. Bu beynəlxalq toplantıda təxminən 40 dövlətin və beynəlxalq təşkilatın nümayəndələri iştirak edir.

Operativ Media xəbər verir ki, bu barədə "Uza.uz" məlumat yayıb.

Dünya Nüvə Assosiasiyasının məlumatına görə, nüvə enerjisi dünya elektrik enerjisi istehsalının təxminən 9 faizini təşkil edir və təxminən 30 ölkədə 440 reaktor mövcuddur.

BMT-nin Beynəlxalq Atom Enerjisi Agentliyi (IAEA) nüvə enerjisi istehsalının 2050-ci ilə qədər ikiqat arta biləcəyini bildirib. Qeyd olunur ki, Çin artıq fəaliyyətdə olan 57 reaktora əlavə olaraq 29 əlavə reaktor tikir.

Konfrans çərçivəsində beynəlxalq əməkdaşlığın gücləndirilməsinə, elmi və texniki təcrübə mübadiləsinə və ekoloji cəhətdən təmiz enerji mənbələrinin genişləndirilməsinə yönəlmiş bir sıra sazişlərin imzalanması gözlənilir.