Efiopiyanın cənubunda baş verən sürüşmə nəticəsində ən azı 52 nəfər həlak olub.

Operativ Media xəbər verir ki, bu barədə "Reuters" məlumat yayıb.

Hadisə bölgəyə yağan güclü yağışlardan sonra Qamo bölgəsində baş verib. Yerli hakimiyyət orqanlarının məlumatına görə, təxminən 50 nəfər hələ də dağıntılar altında qalmış ola bilər və onların axtarışı davam edir.

Leysan yağışlar infrastruktura ciddi ziyan vurub, bölgədəki yolları bağlayıb, ictimai nəqliyyatı sıradan çıxarıb və zərər çəkmiş ərazilərdə xilasetmə əməliyyatlarını çətinləşdirib.