Keniyada daşqınlar nəticəsində ölənlərin sayı 62-yə çatıb

Keniyada şiddətli yağışların yaratdığı şiddətli daşqınlar nəticəsində ölənlərin sayı 62-yə çatıb.

Operativ Media xəbər verir ki, bu barədə ölkənin Daxili İşlər Nazirliyi məlumat yayıb.

Nazirliyin məlumatlarına görə, ölənlərdən 46-sı kişi, 8-i qadın və 8-i uşaq olub.

Ölüm hadisələrindən 17-si Şərq bölgəsində, 7-si isə Rift Vadisi bölgəsində baş verib.

Axtarış-xilasetmə və təxliyə işlərinin davam etdiyi ölkədə mülki itkilərlə yanaşı, infrastruktura da ciddi ziyan dəydiyi bildirilir.