Yaponiya Ukraynadan dronlar almağı düşünür

Yaponiya hökuməti Ukrayna istehsalı olan dronları almağı və onları özünümüdafiə qüvvələrinə yerləşdirməyi nəzərdən keçirir.

Operativ Media xəbər verir ki, bu barədə "Kyodo" məlumat yayıb.

Bildirilib ki, bu məqsədlə əlaqəli məxfi məlumatların qorunmasını təmin edən silah ötürülməsi müqaviləsi imzalana bilər.

Parlamentin əsas aşağı palatası tərəfindən artıq qəbul edilmiş 2026-cı il büdcə qanun layihəsində ölkənin müdafiəsini dronlardan istifadə etməklə gücləndirmək üçün 277,3 milyard yen (təxminən 1,7 milyard dollar) ayrılıb.