Naxçıvanda ÜDM istehsalı 2,2 faiz artıb

Bu ilin yanvar-avqust aylarında muxtar respublikada ümumi daxili məhsul istehsalı 1 milyard 172 milyon 999 min 300 manat olub.

Operativ Media xəbər verir ki, bu barədə Naxçıvan Muxtar Respublikası Dövlət Statistika Komitəsi məlumat yayıb. 

Bildirilib ki, bu, 2025-ci ilin müvafiq dövrü ilə müqayisədə 2,2 faiz çoxdur.

Əhalinin hər nəfərinə düşən ümumi daxili məhsulun həcmi 2025-ci ilin müvafiq dövrü ilə müqayisədə 1,9 faiz artaraq 2480,6 manat təşkil etmişdi.