Ceyhun Bayramov BMT Baş Assambleyasının 81-ci sessiyasının prezidenti ilə görüşüb

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyasının prezidenti Kəlilür Rəhmanla görüşüb.

Operativ Media xəbər verir ki, bu barədə XİN məlumat yayıb.

Tərəflər BMT çərçivəsində əməkdaşlıq, digər çoxtərəfli platformalar, həmçinin qarşılıqlı maraq doğuran regional və beynəlxalq məsələlər barədə fikir mübadiləsi aparıblar.

Görüşdə Azərbaycanın BMT-nin fəaliyyətində fəal iştirakı və qlobal problemlərin həllində çoxtərəfli əməkdaşlığın gücləndirilməsinə verdiyi töhfə vurğulanıb.