Ərdoğan Trampla danışıb
Türkiyə prezidenti Rəcəb Tayyib Ərdoğan ABŞ prezidenti Donald Trampla telefon danışığı aparıb.
Operativ Media xəbər verir ki, bu barədə Türkiyə Prezident Administrasiyası məlumat yayıb.
Liderlər Türkiyə-ABŞ ikitərəfli münasibətlərini, həmçinin regional və qlobal prosesləri müzakirə ediblər.
Ərdoğan gələn il Türkiyə ilə ABŞ arasında diplomatik münasibətlərin qurulmasının 100-cü ildönümünün qeyd ediləcəyini xatırladaraq, əlaqələrin inkişafı və bütün sahələrdə əməkdaşlığın sürətləndirilməsi istiqamətində səylərin davam etdiriləcəyini bildirib.
Türkiyə prezidenti Məkkə Birgə Müdafiə İttifaqı çərçivəsində Hörmüz boğazı və Yəməndəki hadisələri yaxından izlədiklərini, problemin diplomatik yolla həlli üçün çalışdıqlarını qeyd edib.
Ərdoğan, həmçinin Ukrayna ilə Rusiya arasında diplomatik prosesin canlandırılması və müharibənin bu yolla başa çatdırılması istiqamətində görülən işlərə dəstək verməyə hazır olduqlarını vurğulayıb.
Donald Tramp isə Ərdoğanı və Türkiyə xalqını Respublika Günü münasibətilə təbrik edib, Türk Dövlətləri Təşkilatının Zirvə görüşünün uğurlu keçməsini arzulayıb.
