Spiker dövlət büdcəsinə dəyişikliklərin səbəblərini açıqlayıb

Bu gün Azərbaycan dünyanın ən dinamik inkişaf edən ölkələrindən biridir.

"Operativ Media" xəbər verir ki, bunu Milli Məclisin sədri Sahibə Qafarova parlamentin bu gün keçirilən iclasında deyib.

O qeyd edib ki, işğaldan azad edilmiş ərazilərin bərpası və yenidən qurulması, müdafiə və təhlükəsizlik qabiliyyətinin artırılması və digər istiqamətlərdə xərclərin artırılması 2023-cü ilin dövlət büdcəsinə dəyişikliklərin edilməsinə imkan yaradıb.

Xatırladaq ki, ümumilikdə Azərbaycan Respublikasının 2023-cü il dövlət büdcəsinin gəlirlərinin 33 milyard 779 milyon 500 min manat, xərclərinin 36 milyard 568 milyon 800 min manat məbləğində təsdiq edilməsi təklif edilir.