Ronaldo ulduz futbolçunu telefon zəngi ilə Ərəbistana transfer edib

Portuqaliyalı super ulduz Ronaldo bir telefon zəngi ilə pərəstişkarı olan ulduz futbolçunu Ərəbistana getməyə vadar edib.

"Portu"nun yarımmüdafiəçisi Otavionun "Əl-Nəsr"ə keçdiyi bildirilir. 28 yaşlı futbolçunun müqaviləsinin bitməsinə 2 il vaxt var idi, lakin Səudiyyə Ərəbistanı komandasının ona Luis Kastronun komandasında portuqaliyalı ulduz Ronaldoya qoşulmaq üçün sərfəli müqavilə təklif etdiyi deyilir.

"Operativ Media" "A Bola" nəşrinə istinadən xəbər verir ki, 38 yaşlı futbolçu həmyerlisinə zəng edərək onu Səudiyyə Ərəbistanının Pro Liqasında iştirak etməyə razı salmağa çalışıb.

Ronaldo həmyerlisinə zəng edərək Səudiyyə Ərəbistanına gəlməsini söyləyib və Otavio da Portuqaliyada xalq qəhrəmanı olan super ulduzun dediyi kimi edib.

Nəşr əlavə edir ki, Otavio iyulun 15-nə qədər 31 milyon funt-sterlinq məbləğə sərbəst qala bilər, lakin bu tarixdən sonra  məbləğ 47 milyon funt-sterlinqə yüksələcək.

O da bildirilir ki, keçmiş milli oyunçu “Əl-Nəsr”ə keçsə, ildə təxminən 12 milyon funt-sterlinq qazana bilər ki, bu da "Porto"da qazandığından beş dəfə çoxdur.

Otavionun Ronaldo ilə o qədər yaxşı münasibəti var ki, o, ötən ilki dünya çempionatı zamanı portuqaliyalı superulduz haqqında deyilənləri şəxsən təkzib edib.

O, Ronaldonun komandanın “kapitanı” olduğunu və Portuqaliyanın onun rəhbərliyi altında “birləşdiyini” deyib.

Otavionun "Əl-Nəsr"in təklifini qəbul edib-etməyəcəyi hələlik bəlli deyil. "Porto"nun son Primyer liqa mövsümü avqustun 5-də, Səudiyyə Ərəbistanı liqası isə 6 gündən sonra başlayacaq.