Rusiyadan Azərbaycana səfər edənlərin sayı artıb

Bu ilin yanvar-avqust aylarında Rusiya Federasiyasından Azərbaycana 441 mindən çox vətəndaş səfər edib ki, bu da 2025-ci ilin müvafiq dövrü ilə müqayisədə 1 faiz çoxdur.

Operativ Media Dövlət Turizm Agentliyinin hesabatına istinadən xəbər verir ki, təkcə cari ilin avqust ayında bu ölkədən gələnlərin sayı 61,8 min nəfərdən çox təşkil edib. Bu, 2025-ci ilin avqust ayına nisbətdə 17,3 faiz, cari ilin əvvəlinə nisbətdə isə 46 faiz çoxdur.