Son Türkiyə çempionu "Qalatasaray" Rusiya Premyer Liqa komandalarından olan "Dinamo Moskva"da çıxış edən 21 yaşlı gürcüstanlı müdafiəçi Saba Sazonovla maraqlanır.

"Operativ Media" "championat.com" saytına istinadən xəbər verir ki, “Qalatasaray” Saba Sazonovun transferi üçün futbolçunun menecerindən məlumat alıb. Xəbərdə hələlik klubla rəsmi əlaqənin olmadığı da bildirilib.

Gürcüstan millisinin də şərəfini qoruyan Sazonov geridə qalan mövsümdə çox uğurlu çıxış etməyi bacarıb. 33 oyunda iştirak edən mərkəz müdafiəçisi 1 qol vurmağı bacarıb.

Bazar dəyəri 3 milyon avro olan gənc futbolçunun müqaviləsi 2024-cü ilin iyununda başa çatır. Ona görə də futbolçu gəlmək istəyərsə Rusiya komandasının problem yaratmayacağı gözlənilir. Sazonov müdafiəçi olmasına baxmayaraq, keçirdiyi 90 oyunda 9 qol vurub, 2 məhsuldar ötürmə edib.