Liviyada səhranın ortasında bir qrup miqrant tapılıb

Liviya sərhəd xidmətinin əməkdaşları səhranın ortasında bir qrup afrikalı miqrant aşkarlayıblar.

"Operativ Media" xəbər verir ki, miqrantların sözlərinə görə onları Tunis səlahiyyətliləri ölkədən qovub. Nəticədə aralarında qadınlar və uşaqlar olan miqrantlar 40 dərəcə istidə səhrada qalıb. Onlar bir neçə gün susuz açıq səma altında gecələyiblər. Liviya sərhədçilərinin sözlərinə görə əgər bir neçə gün geciksəydilər artıq miqrantların cəsədlərini tapacaqdılar.