Rusiyanın paytaxtı Moskvada ticarət mərkəzində isti su borusunun partlaması nəticəsində 4 nəfər ölüb.

"Operativ Media" xəbər verir ki, Moskva meri Sergey Sobyanin verdiyi yazılı açıqlamada “Vremena Qoda” (AVM) ticarət mərkəzində baş verən qəza ilə bağlı məlumat verib.

İsti su borusunun partlaması nəticəsində 4 nəfərin həyatını itirdiyini bildirən Sobyanin xilasetmə qruplarının ticarət mərkəzində işlərini davam etdirdiyini qeyd edib.

Hadisə ilə bağlı araşdırmalar davam edərkən, Rusiya mətbuatında yer alan xəbərlərdə qəzanın ticarət mərkəzindəki restoranın mətbəx hissəsində baş verdiyi bildirilir.