"Mançester Yunayted"in baş məşqçisi Erik ten Haq futbolçusu, komandanın sabiq kapitanı Harri Maquayr haqda danışıb.

"Operativ Media" xəbər verir ki, mütəxəssis 30 yaşlı müdafiəçini yüksək qiymətləndirsə də, onun özünü sübut etməyəcəyi halda klubdan göndəriləcəyini vurğulayıb:  

“O, yüksək səviyyəli mərkəz müdafiəçisi olmağa qadirdir. Harri İngiltərə yığmasının ən yaxşısıdır. Bəs niyə bizim üçün də ən yaxşısı olmasın? Amma o bunu sübut etməlidir. Əks-halda getməlidir. Qərar verməlidir".

İngiltərəli futbolçunun "Mançester Yunayted"lə hazırkı müqaviləsi 2025-ci ilə qədərdir. Harrinin "Vest Hem"lə danışıqlar apardığı barədə məlumatlar da yayılıb. Xüsusilə də bu yay kapitanlıq sarğısının ondan alınması futbolçunu komandadan ayrılmaq barədə düşünməyə vadar edib.