Azərbaycan boksçuları Belarusda rekord vurub, medalların sayında ikiqat yüksəliş olub

Boks üzrə yeniyetmələrdən ibarət Azərbaycan millisi yeni rekord vurub. Komandamız bu uğura Belarusda keçirilən II MDB Oyunlarında imza atıb.

"Operativ Media" xəbər verir ki, yığmanın heyətində Aynur Mikayılova (54 kq), Məhəmmədəli Qasımzadə (60 kq), Ziya Həsənov (71 kq) və Fərhad Şeydayev (75 kq) gümüş medal qazanıb. Ömər Aslanlı (54 kq), Aslan Quliyev (63,5 kq), Lalə Mədətova (48 kq), Aysu İsmayılova (50 kq), Nərmin Əlizadə (52 kq) və Qızbəs İsgəndər (60 kq) Oyunları bürünc mükafatla bitiriblər. Bununla da I MDB Oyunları ilə müqayisədə medalların sayında ikiqat yüksəliş qeydə alınıb.

Komanda 4 gümüş və 6 bürünc medal əldə etməklə ikinci ilki də rəsmiləşdirib. Boksçularımız mükafat sayı ilə yanaşı, medalların əyarında da rekord müəyyənləşdirib. Bundan əlavə, Orşa şəhərində baş tutan yarışda qızlardan ibarət yığma 3 medalı 5-ə, oğlanlardan ibarət komanda 2 mükafatı 5-ə yüksəldib.

2 il öncə Rusiyanın Kazan şəhərində keçirilən I MDB Oyunlarında isə boksçularımızın qazancı 5 “bürünc” olub. Belarusda, həmçinin 4 gümüş medal əldə etməklə, mükafatların əyarında da ilk yaşanıb.