Türkiyədə ağır qəza baş verib: 1 nəfər ölüb, 6 nəfər yaralanıb

Antalya-İsparta yolunda su daşıyan maşın və 2 avtomobilin toqquşması nəticəsində baş verən qəzada 1 nəfər ölüb, 6 nəfər yaralanıb.

"Operativ Media" xəbər verir ki, 112 Təcili Yardım Mərkəzinə məlumat verildikdən sonra bölgəyə çoxlu sağlamlıq, polis və jandarma qrupları göndərilib.

Qəza yerinə gələn sağlamlıq qruplarının ilk müdaxiləsindən sonra yaralılar təcili yardımla Bucak Dövlət Xəstəxanasına aparılıb. Bir nəfər isə hadisə yerində ölüb.

Qəza ilə bağlı araşdırmalara başlanılıb.

Qeyd edək ki, su daşıyan maşın baş verən meşə yanğınlarını söndürmək üçün yanğın olan ərazilərə gedirmiş.